Մասնագիտությունները`
1. ԿԱՌԱՎԱՐՈՒՄ
Մասնագիտացումները՝ հյուրանոցային գործ և զբոսաշրջության կառավարում, տեղեկատվական տեխնոլոգիաների կառավարում, մարդկային ռեսուրսների կառավարում, պետական և մունիցիպալ կառավարում, բիզնեսի հիմնադրում և կառավարում, բանկային գործի կառավարում, միջազգային առևտրի կառավարում, մարքեթինգ

2. ՖԻՆԱՆՍՆԵՐ
Մասնագիտացումները՝ հաշվապահություն, հարկեր և հարկաշրջանառություն, վարկային գործ, մաքսային գործ, ապահովագրական գործ, հաշվապահական վերահսկողություն, ֆինանսների կառավարում

3. ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐ
(բակալավրիատ և քոլեջ)
(համագործակցությամբ)
Մասնագիտացումները՝ ֆինանսատնտեսական և բանկային բնագավառում, մենեջմենթի և ձեռներեցության բնագավառում, ծրագրային ապահովման բնագավառում, տուրիզմի բնագավառում

ԻՐԱՎԱԲԱՆԱԿԱՆ ՖԱԿՈՒԼՏԵՏ
Մասնագիտությունը` «Իրավագիտություն»

Մասնագիտացումները` միջազգային իրավունք, քրեական իրավունք, քաղաքացիական իրավունք, սահմանադրական իրավունք, ֆինանսական և բանկային իրավունք

ՌՈՄԱՆԱԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ՖԱԿՈՒԼՏԵՏ
Մասնագիտությունը`«Օտար լեզու և գրականություն» (անգլերեն, ֆրանսերեն, գերմաներեն)

Մասնագիտացումները` մանկավարժություն, թարգմանչություն, լրագրություն, դիվանագիտություն Հասարակական կապեր

ՄԱՆԿԱՎԱՐԺՈՒԹՅԱՆ ՖԱԿՈՒԼՏԵՏ
Մասնագիտությունը` «Մանկավարժություն և մեթոդիկա»

Մասնագիտացումները` նախադպրոցական և տարրական կրթության, մանկավարժություն և մեթոդիկա

Դիմորդներն ընդունելության քննություններ են հանձնում հետևյալ առարկաներից.

1. Իրավագիտություն - հայոց պատմություն (գրավոր), օտար լեզու (գրավոր)
2. Կառավարում - օտար լեզու (գրավոր), մաթեմատիկա (գրավոր)
3. Օտար լեզու և գրականություն - հայոց լեզու (գրավոր), օտար լեզու (գրավոր), օտար լեզու (բանավոր)
4. Մանկավարժություն և մեթոդիկա - հայոց լեզու (գրավոր), մաթեմատիկա (գրավոր)
5. Ֆինանսներ - օտար լեզու (գրավոր), մաթեմատիկա (գրավոր)
6. Տեղեկատվական տեխնոլոգիաներ - օտար լեզու (գրավոր), մաթեմատիկա (գրավոր)

Բակալավրիատում բոլոր մասնագիտությունների գծով ուսման տևողությունը 4 տարի է, ուսման տարեկան վարձը` 180.000 դրամ

II.  ՄԱԳԻՍՏՐԱՏՈՒՐԱՅԻ ԿՐԹԱԿԱՆ ԾՐԱԳԻՐ

1. ԻՐԱՎԱԳԻՏՈՒԹՅՈՒՆ  
2. ԿԱՌԱՎԱՐՈՒՄ  
3. ՕՏԱՐ ԼԵԶՈՒ                 
4. ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐ

III. ՀԱՅՑՈՐԴՈՒԹՅՈՒՆ

ՀԵՏԵՎՅԱԼ ՄԱՍՆԱԳԻՏՈՒԹՅՈՒՆՆԵՐԻ ԳԾՈՎ
Ը.00.02      - Տնտեսության, նրա ճյուղերի տնտեսագիտություն և կառավարում
Ը.00.03      - Ֆինանսներ, դրամաշրջանառություն և վարկ
ԺԲ.00.01.   - Պետության և իրավունքի տեսություն և պատմություն
ԺԲ.00.02    - Հանրային իրավունք - սահմանադրական, վարչական, ֆինանսական, մունիցիպալ,
                     բնապահպանական, եվրոպական իրավունք, պետական կառավարում
ԺԳ.00.02    - Մանկավարժության տեսություն և պատմություն
    Նշված մասնագիտությունների գծով համալսարանում հաստատվում են ատենախոսությունների թեմաներ, կազմակերպվում են որակավորման և մասնագիտական քննություններ, իրականացվում է ատենախոսությունների նախնական պաշտպանություն համապատասխան ամբիոններում:

ՀԱՄԱԼՍԱՐԱՆԻ ՀԻՄՆԱԿԱՆ ՆՊԱՏԱԿՆԵՐՆ ԵՆ`
     ¤ Ստեղծել եվրոպական չափորոշիչներին համապատասխան բարձրագույն կրթական նոր համակարգ:
     ¤ Տեղական ինքնակառավարման և տնտեսավարող օղակներին տրամադրել բարձր որակավորում ունեցող կադրեր:
     ¤ Զարգացնել շարունակական կրթության ռազմավարությունը:

ՀԱՄԱԼՍԱՐԱՆԻ ԳՈՐԾԸՆԿԵՐՆԵՐՆԸ ԵՎ ՄԻՋԱԶԳԱՅԻՆ ԳՆԱՀԱՏԱԿԱՆՆԵՐԸ
1. Մոսկվայի պետական մանկավարժական համալսարանը. ՌԴ և ՀՀ կրթության և գիտության նախարարությունների կողմից ստորագրված պայմանագրով «Մխիթար Գոշ» համալսարանի բազայի վրա 1998 թ. գործում է Մոսկվայի պետական մանկավարժական համալսարանի մասնաճյուղը:
2. Գործելու է համալսարանի «Ամիրդովլաթ Ամասիացի» բժշկական ինստիտուտի մասնաճյուղը Հնդկաստանում:
3. Համագործակցություն Ավստրիայի Կրեմսկիի համալսարանի հետ` տուրիզմի մենեջմենթ մասնագիտության գծով:
4. Հունաստանի Պերեյսկիի համալսարան բիզնես-կառավարման ծրագրերի ուսուցում:
5. Համագործակցություն Հունգարիայի Պեզինսկի համալսարանի հետ` մարդկային ռեսուրսներին կառավարման կրթական ծրագրերի իրականացմամբ և դիպլոմների փոխադարձ ճանաչմամբ:
6. Սանկտ-Պտերբուրգի Քաղաքացիական ավիացիայի մասնագիտությունների գծով` կառավարման մենեջմենթ ծրա-գրով:
7. Մոսկվայի Մշակույթի և Արվեստի Պետական Համալսարանը:

1. Համալսարանը 2005 թ. Յունեսկոյի կազմակերպության անդամ է:
2. Համալսարանը 2007 թ. նոյեմբերի 1-ին Եվրոպական ասամբլեայի տեղեկատվական-վերլուծական կենտրոնի կողմից արժանացել է Սոկրատի անվան «Եվրոպական որակ» որակի նշանի:
3. Համալսարանը 2007 թ. նոյեմբերի 7-ին դարձել է Եվրոմիության անդամ Իտալիայի հանրապետության գիտա-առևտրական «Կոսեկս« կոնցերնի լիիրավ անդամ:

«ԱՄԻՐԴՈՎԼԱԹ ԱՄԱՍԻԱՑԻ» ԲԺՇԿԱԿԱՆ ԻՆՍՏԻՏՈՒՏ
     Համալսարանի բժշկական մասնագիտությունների հենքի վրա նույն համալսարանի կառուցվածքում հիմնադրվել է հայ ականավոր ֆիզիոլոգ-բժիշկ Ամիրդովլաթ Ամասիացու անվան բժշկական ինստիտուտը և քոլեջը, որը ՀՀ Կառավարության Առողջապահության նախարարության կողմից 2003թ. օգոստոսի 21-ին և 2004թ. հուլիսի 22-ին ստացել է բարձրագույն և միջին մասնագիտական կրթական ծրագրերի իրականացման անժամկետ թիվ K ԳԳ 000003 և K ԳԳ 000024 լիցենզիաները` հետևյալ մասնագիտությունների գծով`

ԲԱՐՁՐԱԳՈՒՅՆ ԿՐԹՈՒԹՅԱՄԲ
1. Ստոմատոլոգիա
2. Դեղագործություն
3. Բուժական գործ

Բարձրագույն կրթության բոլոր մասնագիտությունների գծով դիմորդները հանձնում են հետևյալ քննությունները`

քիմիա (գրավոր) կամ ֆիզիկա (գրավոր)
կենսաբանություն (գրավոր)
Ուսման վարձը` տարեկան 250.000 դրամ

ԲԺՇԿԱԿԱՆ  ՔՈԼԵՋ
Քույրական գործ  (ուս. տևող. 3 տարի)
Ատամնատեխնիկական գործ (ուս. տևող. 2 տարի)
Դեղագործություն (ուս. տևող. 2 տարի)
Ուսման վարձը` 100.000 - 120.000 դրամ

Բժշկական քոլեջի ընդունելությունը կատարվում է միջնակարգ և 9-ամյա կրթության բազայի վրա: Ընդունելությունը` հարցազրույցով. կենսաբանությունից:

     Վերը նշված մասնագիտությունների գծով բժշկական ինստիտուտը համագործակցում է ՌԴ Սամարա քաղաքի պետականորեն հավատարմագրված բժշկական ինստիտուտի հետ, որի արդյունքում մեր շրջանավարտները վերը նշված մասնագիտությունների գծով կստանան նաև ՌԴ պետական դիպլոմ: Բժշկական ինստիտուտն ունի իր սեփական ուսումնական և բժշկական բազաները: Բժշկական ինստիտուտում դասավանդում են արտասահմանից հրավիրված դասախոսներ:

«ՄԽԻԹԱՐ ԳՈՇ» ԷԼԻՏԱՐ ԴՊՐՈՑ-ՎԱՐԺԱՐԱՆ ԵՎ «ԳԻՏՈՒՆԻԿ» ՆԱԽԱԿՐԹԱՐԱՆ
     Համալսարանում գործում է էլիտար դպրոց և հենակետային վարժարան` բնագիտական, հումանիտար հոսքերով, որտեղ յուրաքանչյուր խմբում սովորող աշակերտների թիվը չի անցնում 15-ից: Վարժարանում դասավանդում են նաև համալսարանի փորձառու մանկավարժները: Վարժարանի շրջանավարտներն առանց ընդունելության քննությունների ընդունվում են համալսարանի համապատասխան ֆակուլտետներ ու պետական հավատարմագրված բուհեր: Էլիտար դպրոց-վարժարանում գործում է նաև «Գիտունիկ» նախակրթարանը, որտեղ սովորողները ստանում են պատշաճ նախադպրոցական կրթություն: Համալսարանում և վարժարանում սովորում են նաև օտարերկրյա քաղաքացիներ, որոնց ուսուցումը, նախաբուհական նախապատրաստական դասընթացներն անցնելուց հետո, իրականացվում է ռուսերեն և անգլերեն լեզուներով Այսօրվա դրությամբ կրթահամալիրում սովորում են շուրջ 800 ուսանողներ և աշակերտներ:

ՀԱՄԱԼՍԱՐԱՆԸ ԵՐԵՎԱՆՈՒՄ ԵՎ ՎԱՆԱՁՈՐՈՒՄ ՈՒՆԻ ԻՐ ՍԵՓԱԿԱՆ ՈՒՍՈՒՄՆԱԿԱՆ
ՄԱՍՆԱՇԵՆՔԵՐՆ ՈՒ ԲԱԶԱՆԵՐԸ:
Համալսարանում, լիարժեք ուսման և հանգստի համար, ստեղծված են կատարյալ պայմաններ
    ¤ նորագույն գրականությամբ հագեցած գրադարան-ընթերցասրահ,
    ¤ համակարգչային կաբինետներ,
    ¤ լինգաֆոնային կաբինետներ,
    ¤ ատամնատեխնիկական և դեղագործական կաբինետներ,
    ¤ բազային ստոմատոլոգիական պոլիկլինիկա,
    ¤ սպորտդահլիճներ,
    ¤ լողավազան,
    ¤ հանրակացարան,
    ¤ նիստերի դահլիճներ,
    ¤ բուֆետ-ճաշարան:
    Համալսարանը, ապահովելով ժամանակակից արդյունավետ նորամուծությունների և բարեփոխումների կիրառումը կրթական ոլորտում, ձգտում է իր ուսանողներին տալ միջազգային չափանիշներին համապատասխան բարձրագույն կրթություն` միաժամանակ նպատակահարմար գտնելով պահպանել նախկին կրթական համակարգի լավագույն ավանդույթները: Այսպիսով, մենք առաջ ենք շարժվում` ետ նայելով: Մենք հպարտանում ենք մեր շրջանավարտներով, որոնք, բարձր պահելով բուհի պատիվը, աշխատում են տարբեր բնագավառներում: Մեր շրջանավարտները հասել են հաջողությունների և զբաղեցնում են պաշտոններ պետական և մասնավոր կազմակերպություններում: Ուսանողների արտադրական և նախադիպլոմային պրակտիկան անցնում է ՀՀ դատաիրավական, ֆինանսաբանկային համակարգերի գերատեսչություններում: Համալսարանի գրադարանը ուսանողներին ապահովում է անհրաժեշտ գրականությամբ և մամուլով: Գրադարանի հավաքածուն անընդհատ համալրվում է նորագույն գրականությամբ և համալսարանի հրատարակություններով (դասագրքերով և դասախոսությունների ժողովածուներով): Լինգաֆոնային կաբինետները նպաստում են օտար լեզվի դասավանդման արդյունավետության բարձրացմանը: Տեսաժապավենների և ձայներիզների հավաքածուն հնարավորություն է ընձեռում պատշաճ մակարդակով կազմակերպելու լեզուների ուսուցումը:

ՆԱԽԱՊԱՏՐԱՍՏԱԿԱՆ ԲԱԺԻՆ
    Նախապատրաստական բաժնին կարող են ընդունվել բոլոր ցանկացողները, ովքեր ունեն միջնակարգ, միջնակարգ մասնագիտական կրթություն, ինչպես նաև միջնակարգ դպրոցի 10-րդ դասարանի աշակերտները: Նախապատրաստական բաժնի դիմորդները պետք է ներկայացնեն հետևյալ փաստաթղթերը` միջնակարգ կրթության վկայական (բնագիրը), (10-րդ դասարանի աշակերտները կարող են ներկայացնել տեղեկանք դպրոցում սովորելու մասին), 6 լուսանկար (3/4) չափի: Նախապատրաստական դասընթացներն ավարտած ունկնդիրները, իրենց ցանկությամբ, կարող են դիմել նաև այլ բուհեր: Նախապատրաստական դասընթացներն ավարտած և քննությունները դրական գնահատականներով հանձնած ուսանողները կընդունվեն 1-ին կուրս` մրցույթից դուրս:

ԱՍՊԻՐԱՆՏՈՒՐԱՅԻ ՀԱՅՑՈՐԴՈՒԹՅԱՆ ԸՆԴՈՒՆԵԼՈՒԹՅՈՒՆ
    Նրանք, ովքեր ցանկանում են շարունակել իրենց կրթությունն ասպիրանտուրայում, պետք է ունենան մագիստրոսի աստիճան կամ դրա համարժեքը: Այն ուսանողները, ովքեր ունեն մագիստրոսի աստիճան և գիտական բարձր կարողություններ` կընդունվեն ասպիրանտուրա` առանց ընդունելության քննությունների:

ԸՆԴՈՒՆԵԼՈՒԹՅՈՒՆ
    Դիմորդը պետք է լինի միջնակարգ դպրոցի շրջանավարտ և բավարարի ընդունելության քննությունների պահանջները` հաստատված յուրաքանչյուր բաժնի համար: Գնահատումը կատարվում է ըստ հին չափանիշների` 0-2 (անբավարար) և 3-5 (բավարար, լավ, գերազանց): (Շուտով համալսարանը կընդունի գնահատման միջազգային` կրեդիտավորման համակարգը):
    Քննությունները` ըստ Ֆակուլտետների, հանձնում են հետևյալ առարկաներից` հայոց լեզու (թելադրություն), հայ գրականություն (հարցազրույց), մաթեմատիկա (բանավոր կամ հարցազրույց):
    Ընդունելության ժամանակ նախընտրությունը տրվում է այն ուսանողներին, ովքեր ստանում են բարձր գնահատականներ (լավ, գերազանց), անբավարար ստացող ուսանողները վերաքննվում են մասնավոր հիմունքներով:     Ընդունվել ցանկացողները` տեղացի և օտարերկրացի, կարող են դիմել և’ բակալավրի ու մագիստրոսի աստիճանի, և’ հնգամյա ծրագրով ուսանելու (հավասարազոր մագիստրատուրային) համար: Կարող են դիմել նաև ասպիրանտուրա:
    1-ին կուրսի ընդունելության համար պահանջվում է` դիմում համալսարանի ռեկտորի անունով, միջնակարգ դպրոցի ավարտական վկայական (բնագիրը), միջնակարգ մասնագիտական կամ բարձրագույն կրթության դիպլոմը (պատճենը` նոտարական վավերացմամբ), 6 լուսանկար (գունավոր, 3x4 չափի), անձնագիր:

    Ուսման վարձերը տարբերակված են ըստ սոցիալական խմբերի: